Suveren dövlət olaraq Ermənistanın öz siyasətini balanslaşdırmaq hüququ var. Bunu Ermənistan Respublikası Parlamentinin sədri Alen Simonyan 5 fevralda Moskvada Rusiya Federasiyası Federal Məclisinin Federasiya Şurasının sədri Valentina Matviyenko ilə görüşdən sonra keçirilən brifinqdə rusiyalı jurnalistlərin sualını cavablandırarkən bildirib.
Simonyan əlavə edib ki, Ermənistan heç kimin tərəfini tutmaq və ya heç kimə qarşı işləmək niyyətində deyil.
O qeyd edib ki, xüsusən də 2020-ci il müharibəsindən sonra Ermənistanın öz xarici siyasəti, öz vizyonu var.
Onun sözlərinə görə, Ermənistan xarici siyasət kursunu dəyişdirməyə və ya bir vektoru digəri ilə əvəz etməyə çalışmır.
