Avropa Birliyinin nümayəndələri Ermənistanda işgüzar səfərdə olaraq, AB-nin komissarı Marta Kosun 19-20 mart tarixlərində planlaşdırılan səfəri və Ermənistan-AB ilə Zirvə görüşünün arəfəsində yeni strateji gündəmin hazırlanmasındakı irəliləyişi qiymətləndiriblər.
Bu barədə “The Brussels Times” məlumat yayıb.
AB ölkəyə 202,5 milyon avro dəyərində yardım paketinin təqdim edilməsi öhdəliyini təsdiqləyib.
Bəyanata görə, danışıqlar əsasən nəqliyyat, energetika və rəqəmsal sahələrdə regional əlaqələrin yaxşılaşdırılmasına yönəlib.
Müzakirələr zamanı Ermənistanın “Sülh kəsişməsi” təşəbbüsünə dəstək göstərilib ki, bu da AB-nin regional əlaqələrin inkişafı proqramı ilə paralel həyata keçirilir.
Bu haqda Çərşənbə axşamı Avropa Komissiyası açıqlayıb.
AB nümayəndələri həmçinin Ermənistanla birlikdə müəyyən edilən prioritet proqramlara dəstək variantlarını müzakirə edib, o cümlədən ticarət və mobil kimi sahələrə diqqət yetiriblər.
202,5 milyon avronun ayrılması barədə Kos daha əvvəl 2025-ci ilin sentyabrında etdiyi səfər zamanı açıqlayıb.
Bu strateji gündəm, tərəflər arasında əməkdaşlığı tənzimləyən Ermənistan-AB Hərtərəfli və Genişləndirilmiş Tərəfdaşlıq Sazişi (CEPA)” əsasında qurulub.
AB nümayəndələri həmçinin Ermənistanın “demokratik davamlılığına”, o cümlədən yaxınlaşan seçki prosesinin bütövlüyünün qorunmasına dəstəklərini təsdiqləyiblər.
