“Əgər Azərbaycan İsrail və ABŞ-la birlikdə İrana qarşı yönəlmiş siyasətini davam etdirərsə, bu rejim uzun ömürlü olmayacaq”.
Bu haqda Tehran Universitetinin professoru və nüvə danışıqları üzrə keçmiş müşavir Seyid Məhəmməd Marandi deyib. Sepah Pasdaran Telegram kanalı məlumat yayıb.
Professor Marandi Azərbaycanda İlham Əliyevin hakimiyyəti məsələsini belə şərh edib.
“O məhv olacaq və onun yerinə İranla dostluq edəcək yeni hökumət gələcək. Bu, cəmi bir neçə gün çəkə bilər” – deyərək kanal iranlı professorun sözlərini sitat gətirir.
Daha əvvəl Middle East Eye nəşri yazmışdı ki, Bakı ilə İsrail arasında uzunmüddətli münasibətlər Azərbaycanı İranla genişlənən müharibəyə cəlb edə bilər.
Tehranda yaşayan və anonim qalmaq istəyən bir siyasi analitik Middle East Eye-ə bildirib ki, İran rəsmilərinin fikrincə, əvvəlki münaqişə zamanı İsrail Azərbaycanın hava məkanından istifadə edib.
Bakı bu ittihamları təkzib edib. Bununla belə, analitik qeyd edib ki, İran rəhbərləri hazırkı müharibəyə varlıq səviyyəsində təhlükə kimi baxmağa meyllidirlər.
