ER Baş nazirinin aparat rəhbəri, Milli azlıqlar üzrə Şuranın sədri Arayik Harutyunyanın rəhbərliyi ilə Şuranın növbəti iclası keçirilib. Bu barədə Ermənistan Baş naziri aparatından məlumat verilib.
Gündəlik çərçivəsində milli azlıqlara mənsub uşaqların 2025-ci il dövlət proqramı ilə təşkil olunmuş yay istirahət düşərgələrinə cəlb olunmasının nəticələri təqdim edilib, təşkilat prosesində yaranmış problemlər barədə məruzə olunub. Qeyd olunan problemlərin həlli istiqamətində prioritetlər və yollar müzakirə edilib.
Gündəlik məsələlər çərçivəsində, həmçinin 2026-cı ildə milli azlıqların uşaqlarının dövlət proqramı ilə təşkil ediləcək yay istirahət düşərgələrinə cəlb olunmasına hazırlıqla bağlı məsələlər də müzakirə olunub.
İclasda milli azlıqların təhsil hüququnun həyata keçirilməsi və onların Ermənistanda icra olunan sosial proqramlardan faydalanması ilə bağlı məsələlərə də toxunulub.
Müzakirələri yekunlaşdıran Arayik Harutyunyan cari məsələlərin ardıcıl şəkildə qaldırılmasının vacibliyini vurğulayıb və məsul şəxslərə iclas zamanı səsləndirilən qeydlər əsasında qaldırılmış problemlərin həlli ilə bağlı yaxın vaxtlarda təkliflər təqdim etməyi tapşırıb.
