Ermənistanın Baş naziri Nikol Paşinyan Ermənistanla Rusiya arasında gərginliyin mümkünlüyünü istisna edir. “Armenpress”in məlumatına görə, Paşinyan bunu seçki kampaniyası zamanı jurnalistlərlə söhbətində müxalifət siyasətçilərinin Ermənistanla Rusiya arasındakı gərginlik barədə açıqlamalarına cavab olaraq bildirib.
Paşinyan Ermənistanın ikinci prezidenti, “Hayastan” blokunun lideri Robert Koçaryanı, “Güclü Ermənistan” blokunun lideri Samvel Karapetyanı və “Çiçəklənən Ermənistan” partiyasının sədri Gagik Tsarukyanı Ermənistanla Rusiya arasındakı münasibətlərdə gərginlik yaratmaq cəhdlərində günahlandırıb.
“Tsarukyan, kaluqalı, Koçaryan, bizə casus Oniki xatırladır, onlar Ermənistanla Rusiya arasında gərginliyin təmin edilməsi üçün hər şeyi edirlər. Bu, baş verməyəcək, birincisi, Rusiya ilə mübahisə etmək bizim miqyasımız deyil, biz kiçik, təvazökar bir ölkəyik, digər tərəfdən isə biz AİB-in tamhüquqlu üzvüyük. Koçaryan həmçinin Rusiyanın problem yaratmasını gözlədiyini də bildirib. Bunlar ucuz təxribatlardır və buna nail ola bilməyəcəklər”, – deyə Paşinyan qeyd edib.
