Bu gün “RISE 2026” hərbi-sənaye sərgisində təqdim olunan çoxsaylı həllər bir daha Ermənistanın son illərdə nə qədər böyük yol keçdiyini göstərdi.
Bu barədə facebook səhifəsində Parlamentin sədr müavini Hakob Arşakyan yazıb.
“2018-ci ildə yüksək texnologiyalar sahəsində təxminən 10 min nəfər çalışırdı. Bu gün bu rəqəm təxminən 50 minə çatıb.
2018-ci ildə yüksək texnologiyalar sahəsinin ÜDM-də payı təxminən 1.3% təşkil edirdi.
Bu gün bu, təxminən 7%-dir.
2018-ci ildə Ermənistanda superkompüter mərkəzləri yox idi. Bu gün Ermənistan hər adama düşən süni intellekt hesablama gücünə görə dünyanın ilk onluğundadır.
2018-ci ildə elmin dövlət maliyyələşdirilməsi təxminən 12 milyard dram idi. Bu gün bu, 36 milyard dramdan çoxdur.
Eyni dövrdə hərbi-sənaye sahəsində də ciddi inkişaf qeydə alınıb. Ermənistanda onlarla istehsal sexi və elmi-texnoloji mərkəz yaradılıb ki, onlar müdafiə əhəmiyyətli məhsullar hazırlayır və istehsal edirlər.
“RISE 2026” sərgisində təqdim olunan nümunələrin əhəmiyyətli hissəsi artıq Silahlı Qüvvələrə tədarük edilir. Bu o deməkdir ki, onlar lazımi sınaqlardan keçib və müəyyən edilmiş meyarlara cavab verirlər.
Yerli istehsalçılardan alışların həcmi 2018-ci illə müqayisədə onlarla dəfə, bəzi istiqamətlər üzrə isə yüzlərlə dəfə artıb.
Bu gün artıq yüz milyonlarla dollara çatan müqavilələr mövcuddur ki, bunlar da həm müdafiə qabiliyyətimizin, həm də texnoloji potensialımızın inkişafına töhfə verir.
Bunlar sadəcə rəqəmlər deyil. Bunlar elmə, təhsilə, mühəndis düşüncəsinə və Ermənistanın gələcəyinə edilən sərmayələrdir.
Məqsədimiz eynidir – daha güclü, daha inkişaf etmiş, texnoloji və rəqabətqabiliyyətli Ermənistana sahib olmaq” – deyə Arşakyan yazıb.
