Niderlandlar Avropa Komissiyasının sədri Ursula fon der Lyayenin Ermənistan üçün elan etdiyi Aİ dəstək paketini dəstəkləyir və çiçəkçilik kimi zərər çəkmiş sahələrə necə praktik dəstək göstərə biləcəyini də araşdırıb. Bu barədə Niderlandın xarici işlər naziri Tom Berendsen X sosial şəbəkəsindəki mikrobloqunda yazıb.
“Bunun nəticəsində Royal Flora Holland artıq öz bazarını erməni çiçək istehsalçıları üçün açır və onları Avropada və onun hüdudlarından kənarda yerləşən alıcılarla əlaqələndirir”, – deyə o yazıb.
O həmçinin vurğulayıb ki, Niderlandlar azad və ədalətli seçkilərin sabit, demokratik gələcəyin təməli kimi əhəmiyyətini önə çəkir; bu gələcəyi isə Ermənistanın özü müəyyən edir.
Xatırladaq ki, daha əvvəl Avropa Komissiyasının sədri Ursula fon der Lyayen Rusiyanın erməni mallarının idxalına qoyduğu məhdudiyyətlər fonunda Ermənistana göstəriləcək dəstək barədə bəyanat vermişdi.
