Ermənistan Respublikasının Konstitusiya Məhkəməsi 7 iyun parlament seçkilərinin nəticələrinə etiraz edən 7 siyasi qüvvənin müraciətini qəbul edib.
Bu gün “Çiçəklənən Ermənistan”partiyası, “Birlik Qanadları”, “Yeni Qüvvə”, “Demokratiya, Qanun, İntizam” (DQİ) Partiyası və “Respublika naminə Demokratiya Müdafiəçilərinin Alyansı” müraciət təqdim ediblər.
Daha əvvəl eyni tələblə “Güclü Ermənistan” və “Ermənistan” ittifaqları (blokları) müraciət etmişdilər.
Konstitusiya Məhkəməsi işə baxmağa və müraciətin daxil olduğu gündən ən geci 15 gün sonra qərar qəbul etməyə borcludur.
