Bu gün Rusiyadan Ermənistana Azərbaycan üzərindən daha bir yük daşınması həyata keçirilib. Azərbaycan mediasının məlumatına görə, Biləcəri stansiyasından Böyük-Kəsikə 408 ton gübrə ilə dolu altı vaqon göndərilib.
Bu günə qədər Rusiyadan Ermənistana Azərbaycan üzərindən 33 min tondan çox taxıl, 7 min tondan çox gübrə, 133 tondan çox alüminium, 68 ton qarabaşaq yarması və 414 ton antrasit daşınıb.
Tranzitlə yanaşı, Azərbaycan Ermənistana neft məhsulları da ixrac edir. Bu günə qədər Azərbaycan Ermənistana 14 min tondan çox dizel yanacağı və 4 min tondan çox Aİ-92 və Aİ-95 benzini ixrac edib.
