AB-nin Genişlənmə üzrə Komissarı Marta Koss sosial media səhifəsində fotoşəkillər paylaşaraq Ermənistan əriklərindən mürəbbə hazırladığını bildirib.
“Mən bu mürəbbəni Ermənistan əriklərindən hazırladım.
Əriklər Ermənistanda baş verən dəyişiklikləri simvolizə edir. Ötən ay keçirilən seçkilərdə ermənilərin əksəriyyəti AB ilə daha sıx əlaqələr qurmağa çalışan partiyalara səs verdi. Rusiya Ermənistan meyvə və çiçəklərinin idxalını məhdudlaşdırmaqla səsverməyə təsir göstərməyə çalışdı. AB də öz növbəsində bu məhsulların çoxuna bazarını açaraq Ermənistana kömək etdi.
Buna görə də ötən həftə Ermənistanda idim və Brüsselə böyük bir səbət əriklə qayıtdım. Onların əksəriyyətini dostlarıma verdim. Qalanlarından mürəbbə hazırladım.
Dostlarımdan biri mürəbbəyə baxdı və dedi: “Azadlıq qutuları”. Düşündüm ki, bu, gözəl bir ifadədir. Supermarketə baş çəkəndə erməni əriklərinə, gavalılarına və ya albalılarına diqqət yetirin. Bu, erməni fermerlərinə kömək edəcək və ölkənin demokratik seçkilərini dəstəkləyəcək kiçik bir şey etmək üçün bir fürsətdir”, – deyə o yazıb.
