TWT. “Tramp sərhədin açılmasına töhfə verə bilər, lakin heç bir erməni lider insanlardan Soyqırımı unutmağı tələb edə bilməz”
ABŞ Prezidenti Donald Tramp artıq göstərib ki, Amerika rəhbərliyi Cənubi Qafqazın gələcəyini formalaşdıra bilər.
Bu həftə NATO liderlərinin zirvə toplantısında iştirak etmək üçün Türkiyəyə edəcəyi səfərdən sonra o, eyni praqmatik yanaşmanı tətbiq edərək erməni-türk sərhədinin açılmasına töhfə verməli və strateji əhəmiyyətli regionda ABŞ-ın mövqelərini möhkəmləndirməlidir” – deyərək The Washington Times yazır.
Nəşrin məlumatına görə, 2025-ci ilin avqustunda Tramp Ağ Evə Ermənistanın Baş naziri Nikol Paşinyanı və Azərbaycanın prezidenti İlham Əliyevi dəvət etmişdi.
Bu, “Tramp marşrutu” (Trump Route) və ya TRIPP-in yaradılmasına gətirib çıxarıb – diplomatiyanı həm region, həm də ABŞ üçün əhəmiyyətli iqtisadi imkanlara çevirən praktik təşəbbüs.
İndi Tramp həmin modeli Türkiyə prezidenti Rəcəb Tayyib Ərdoğanla qarşılıqlı əlaqədə istifadə etməlidir. Erməni-türk sərhədinin açılması sülhü real iqtisadi tərəqqiyə çevirməyə kömək edəcək və daha sabit Cənubi Qafqazda ABŞ-ın daha ağır çəkili rolunu təmin edəcək.
Amerika rəhbərliyi qoşun göndərmədən və “boş çeklər” təqdim etmədən strateji əhəmiyyətli regionda yeni ticarət imkanları yarada bilər.
Ermənistanı və Türkiyəni mürəkkəb tarix bağlayır. 1915-ci il hadisələri bu günə qədər dünyanın müxtəlif guşələrində yaşayan ermənilərin yaddaşında qorunur.
Sərhədin açılması keçmişi silməyəcək və heç bir erməni lider insanlardan bu barədə unutmağı tələb edə bilməz.
Məqalədə qeyd olunduğu kimi, Ermənistan və Türkiyə müstəqil razılığa gəlməlidir, lakin Tramp buna töhfə verə bilər.
