14 iyulda Ermənistan Respublikası Təhlükəsizlik Şurasının katibi Armen Qriqoryan Aİ Xarici Fəaliyyət Xidmətinin Mülki Əməliyyatlar üzrə Komandanı və İdarəedici Direktoru Stefano Tomatinin rəhbərlik etdiyi Aİ Yeni Tərəfdaşlıq Missiyasının Ermənistandakı nümayəndə heyətini qəbul edib.
Təhlükəsizlik Şurasının katibi missiyanın Ermənistanda yaradılmasını və yerləşdirilməsini alqışlayıb, son illərdə Aİ tərəfindən Ermənistana göstərilən çoxtərəfli dəstəyi, eləcə də dayanıqlılığın gücləndirilməsinə yönəlmiş potensialın inkişaf etdirilməsi üçün görülən tədbirləri vurğulayıb.
Görüş zamanı həmsöhbətlər gələcək əməkdaşlıqla bağlı məsələləri də müzakirə ediblər. Yuxarıda qeyd olunanlar kontekstində katib Qriqoryan əmin olduğunu bildirib ki, missiya ilə Ermənistan Respublikasının dövlət orqanları arasında sıx əməkdaşlıq missiyanın mandatında nəzərdə tutulan vəzifələrin tam və effektiv şəkildə yerinə yetirilməsinə töhfə verəcək.
