Ermənistan AB-nin Xarici Əlaqələr Şurasının ölkədə yeni mülki missiya yerləşdirmək qərarını alqışlayıb.
Bu missiya demokratik dayanıqlığın gücləndirilməsinə və hibrid təhdidlərlə, o cümlədən dezinformasiya, kiberhücumlar və qanunsuz maliyyə axınları ilə mübarizəyə dəstək vermək məqsədi daşıyır.
İki il müddətinə nəzərdə tutulan missiya institusional potensialın inkişafına və cəmiyyətin dözümlülüyünün artırılmasına kömək edəcək.
XİN-in bəyanatında deyilir:
“Ermənistan AB-nin ölkədə yeni mülki missiya yerləşdirmək qərarını alqışlayır. Ermənistanın müraciəti əsasında qəbul edilmiş bu qərar, mayın 5-də keçiriləcək ilk Ermənistan-AB sammiti ərəfəsində Ermənistan-AB” tərəfdaşlığının strateji gündəliyindən irəli gələn növbəti birgə təşəbbüsdür”.
Bundan əvvəl xəbər verilmişdi ki, AB Xarici İşlər nazirləri Ermənistanda İttifaqın yeni missiyasının yerləşdirilməsini təsdiqləyiblər.
Mənbə faktor.am.
