Baş nazirin köməkçisi müharibədə itkin düşmüş erməni hərbçilərin sayını açıqladı

Artsax müharibəsi nəticəsində itkin düşmüş erməni hərbçiləri ilə bağlı son rəqəm açıqlanıb.

Bu barədə Ermənistanın Baş naziri vəzifəsini icra edən Nikol Paşinyanın köməkçisi Nairi Sargsyan bildirib.

Onun sözlərinə görə, Artsaxda döyüşlərdə itkin düşmüş erməni hərbçilərinin sayı 275-dir.

N. Sargsyan deyib ki, 2020-ci ilin noyabr ayında 1000-dən çox hərbçi itkin düşmüş hesab olunub, lakin son aylarda DNK analizi ilə bir çoxunun meyiti və qalıqları müəyyən edilib.

Qeyd edək ki, daha əvvəl sabiq prezident Serj Sargsyan Kotayk bölgəsində seçicilərlə görüşündə ölkə səlahiyyətlilərinin ölənlərin sayını gizlətdiyini və 1064 nəfərin itkin düşdüyünü bildirib.