Hökumətin proqramında Erməni Soyqırımının beynəlxalq səviyyədə tanınması Ermənistan Respublikası və erməni xalqı üçün təhlükəsizliyin əlavə təminatı kimi nəzərə alınır.
Bu haqda Xarici işlər naziri Ararat Mirzoyan parlament – hökumət üzvləri ilə sual-cavab zamanı “Hayastan” fraksiyasının katibi Artsvik Minasyanın sualını cavablandırarkən deyib.
Artsvik Minasyan milli təhlükəsizlik strategiyasından sitat gətirib, burada qeyd olunur ki, erməni xalqının milli məqsədləri Erməni Soyqırımının tanınması, nəticələrinin aradan qaldırılmasıdır.
Minasyan Ermənistan Respublikası hökumətinin bu məqsədləri saxlamaqda davam edib-etmədiyini soruşdu.
Ararat Mirzoyan cavabında bildirib ki, Ermənistan Respublikası hökuməti bu parlament tərəfindən təsdiq edilmiş hökumətin proqramında qeyd olunan bütün addımları ardıcıl şəkildə həyata keçirməkdə davam edir.
“Həmin proqramda aydın şəkildə göstərilir ki, Ermənistan həm Erməni Soyqırımının tanınması, həm də insanlığa qarşı cinayətin növbəti təzahürlərinin qarşısının alınması istiqamətində səylərini davam etdirəcək” – deyərək Mirzoyan qeyd edib.
