Azərbaycan xarici işlər naziri Cəyhun Bayramov Gürcüstan xarici işlər naziri İlya Darçıaşvili ilə birgə mətbuat konfransı zamanı erməni həmkarı ilə danışıqların “nəticələri barədə” bildirib.
Azərbaycan KİV-in yaydığı məlumata görə, Bayramov qeyd edib: “Münaqişəyə son qoyulandan sonra bizim üçün prioritet məsələlərdən biri bölgədə davamlı sülhün təmin edilməsidir. Bununla bağlı da həmkarımla danışıqlar aparmaq imkanım oldu. Artıq Ermənistan XİN-lə təmaslarımız nəticəsində bəzi nəticələrimiz var. Mənim artıq Ermənistanın xarici işlər naziri ilə 2 telefon danışığım olub. Sərhədlərin delimitasiyası və demarkasiyası ilə bağlı Komissiyanın fəaliyyətə başlaması üçün artıq şərait mövcuddur”.
