ER baş naziri Nikol Paşinyan 9 noyabr 2020-ci il tarixli üçtərəfli bəyanatın 7-ci bəndində müəyyən edilmiş beynəlxalq mexanizmin hələ də işə salınmaması faktını narahatedici hesab edir.
Hökumətin iclasında o xatırladıb ki, 7-ci bənddə deyilir ki, məcburi köçkün və qaçqınlar Birləşmiş Millətlər Təşkilatının Qaçqınlar üzrə Ali Komissarı nəzarəti altında Dağlıq Qarabağ ərazisinə və ona bitişik rayonlara qayıdırlar.
“Bu o deməkdir ki, Dağlıq Qarabağın Hadrut bölgəsi, Şuşi, Martuni və Martakert rayonları, Şahumyan rayonu, Getaşen, Laçın və ona bitişik və Dağlıq Qarabağın digər rayonlarındakı ermənilərin qayıtması üçün beynəlxalq mexanizmlər işə salınmalıdır”, – deyə baş nazir bildirib.
Paşinyan qeyd edib ki, o, xarici işlər nazirinə BMT-nin Qaçqınlar üzrə Ali Komissarı ilə bu mövzuda rəsmi danışıqlara başlamağı tapşırıb.
“Azərbaycanın Bakı, Şirvan, Sumqayıt, Kirovabad, Xanlar, Şamxor, Naxicevan və digər rayonlarından olan etnik təmizləməyə məruz qalmış ermənilərin nümayəndələri də dövlət orqanlarına müraciət edərək şikayət edirlər ki, beynəlxalq sülhməramlı qüvvələr müşayiəti ilə onların öz evlərinə qayıtmaq hüquqları ilə bağlı məsələni qaldırmırıq.
Problem ondadır ki, 9 noyabr bəyanatının 7-ci bəndində yalnız Dağlıq Qarabağın və ona bilavasitə bitişik rayonların qaçqın və məcburi köçkünləri barədədir, lakin bu, təbii ki, Bakı, Şirvan, Sumqayıt, Kirovabad, Xanlara, Şamxor, Naxicevan və Azərbaycanın digər rayonlarındakı etnik təmizləməyə məruz qalmış ermənilərin nümayəndələrinin beynəlxalq məhkəmələrdə təşkilatlanmalarına, mülkiyyət, geri qayıtma və digər hüquqlarını müdafiə etmələrinə maneə deyil”, – deyə Paşinyan bildirib.
