Ermənistan hökumətinin qərarlarına görə, Dağlıq Qarabağdan məcburi köçkünlərə dəstək üçün 100 milyon dollara yaxın vəsait ayrılmalıdır. Bu baxımdan hökumət beynəlxalq ictimaiyyətin köməyini gözləyir.
Alınan məlumata görə, bu haqda Baş nazir Nikol Paşinyan Avropa Şurasının sessiyasındabəyan edib.
“Bu gün artıq qəbul edilmiş və qüvvəyə minmiş qərarlarla biz Dağlıq Qarabağdan məcburi köçkünlərə dəstək üçün 100 milyon dollara yaxın vəsait ayırmalıyıq.
Və bizim beynəlxalq yardıma, o cümlədən büdcə dəstəyinə ehtiyacımız var. Məcburi köçkünlərə dəstək üçün elə bir mexanizm yaratdığımızı vurğulamağa ehtiyac yoxdur ki, onlara ayrılan vəsaitlər nağd şəkildə köçürülsün, yəni vəsaitlərin bölgüsü şəffaf, yoxlanılan və izlənilə bilən olsun və sistem bundan sonra da belə fəaliyyət göstərəcək.
Biz beynəlxalq tərəfdaşlarımıza, AB-yə və üzv dövlətlərə minnətdarıq ki, onlar Dağlıq Qarabağ ermənilərinin məcburi köçkünləşməsi nəticəsində yaranmış humanitar böhranın aradan qaldırılması üçün artıq vəsait ayırıblar və ya ayıracaqlar” – deyərək Paşinyan bildirib.
