Azərbaycan COP29-a ev sahibliyi etməyə davam edərsə, BMT və demokratiyalar kollektiv şəkildə öz vicdanlarına qarşı çıxa bilərlər. Fransanın keçmiş Xarici və Avropa işləri naziri Bernard Kuşner COP29 haqqında fikirlərini aşağıda tərcümə olunan Le Monde jurnalında dərc edib.
“Fransa siyasi qeyri-müəyyənliyə qərq olsa da, bu cür mühüm beynəlxalq hadisələri diqqətdən yayınmamalıdır, çünki ətraf mühitin qorunması bizim liderlərimiz üçün prioritet məsələdir.
Azərbaycanın COP29-a ev sahibliyi edən ölkə seçilməsi bizə bunu xatırlatmalı və beynəlxalq ictimaiyyətin bununla da öz ziddiyyətləri ilə üzləşdiyini vurğulamalıdır.
Beynəlxalq hüquq normalarını pozan, karbohidrogenlərdən kütləvi şəkildə asılı olan, insan hüquqlarını pozan, heç bir əsaslı səbəb olmadan iyirmi üç ermənini həbsdə saxlamaqda davam edən ölkədə belə mühüm tədbirin keçirilməsinə beynəlxalq ictimaiyyət necə haqq qazandıra bilər?
Dağlıq Qarabağda 120 min erməninin etnik təmizlənməsindən bir ildən az vaxt keçib və artıq Azərbaycana COP29 kimi mötəbər tədbirə ev sahibliyi etmək şərəfi verilib. Bu seçim həm humanitar, həm də ekoloji suallar doğurur.
Birləşmiş Millətlər Təşkilatının İqlim Dəyişikliyi Konvensiyası (UNFCCC) sanki son aylarda baş vermiş hadisələr əslində baş verməmiş kimi davranaraq, Azərbaycanın beynəlxalq hüququ pozmağa davam etməsinə şərait yaradır.
120 min ermənini ərzaqdan, dərmandan və yanacaqdan məhrum edən Azərbaycan Dağlıq Qarabağ Respublikasına 9 aydan çox blokadada qaldıqdan sonra 2023-cü il sentyabrın 19-da əraziyə tam nəzarəti ələ keçirmək məqsədi ilə hərbi sl etnik təmizləmə. hücumuna keçdi.
İki min ildən artıq müddətdə ilk dəfədir ki, hazırda dünyanın bu regionunda heç bir erməni yaşamır. Nobel Sülh Mükafatına namizəd, xeyriyyəçi Ruben Vardanyan və daha 7 erməni siyasi lideri Dağlıq Qarabağ Respublikasını tərk edərkən Azərbaycan hakimiyyəti tərəfindən girov götürülüb.
Onların əsassız olaraq həbsdə saxlanması daha da narahatedicidir, çünki heç bir xarici müşahidəçi və ya media davam edən məhkəmə proseslərinə qatılmır və onların səhhəti ilə bağlı məlumat verir.
Demək olar ki, doqquz aya yaxındır ki, bu girovların azad edilməsi ilə bağlı çağırışlara məhəl qoyulmur. Bununla belə, bir daha qeyd etmək lazımdır ki, iqlim dəyişikliyi ilə mübarizəni insan hüquqlarına hörmətdən ayırmaq olmaz”.
