Son 4 gündür Azərbaycan Ermənistana qarşı dezinformasiya hücumunu davam etdirərək, erməni-azərbaycan sərhədində atəşkəs rejiminin pozulması barədə iddiaları təkrar-təkrar irəli sürür.
Ermənistanın Müdafiə nazirliyi artıq dəfələrlə bəyanatı təkzib edib, Xarici işlər nazirliyi isə Azərbaycanın öhdəlikləri yerinə yetirməmək barədə yalan iddialarına cavab verib.
Rəsmi Yerevan həmçinin xatırladıb ki, Bakının erməni tərəfinin müxtəlif təkliflərinə cavabı gözlənilir. Məsələn, 2021-ci ildə sərhəd hissələrindən qoşunların “güzgüvari” geri çəkilməsi təklifi irəli sürülüb.
Lakin Azərbaycan buna razılıq verməyib. Atəşkəs rejiminin pozulmasının araşdırılması mexanizmlərinin yaradılması barədə erməni təklifi ilə bağlı da müsbət cavab alınmayıb.
Ermənistan sülh müqaviləsinin imzalanma yeri və vaxtı ilə bağlı müzakirələrə başlamağa hazırdır. Rəsmi Yerevanın bu bəyanatına Bakı erməni-azərbaycan sərhədində guya erməni tərəfindən atəşkəsin pozulması barədə dezinformasiya kampaniyası ilə cavab verir.
Azərbaycanın son günlərdəki hərəkətlərini parlamentin “KP” (Vətəndaş müqaviləsi) fraksiyasının üzvü Arsen Torosyan informasiya təxribatı kimi qiymətləndirir və bunun bir neçə məqsədi olduğunu bildirir:
“Birincisi, ölkəmizdə sabitliyi pozmaq. Belə hallar daha öncə də olub ki, hamımız narahatlıq içində yaşayaq. Nazirliklərimizin, Müdafiə nazirliyinin və AB müşahidə missiyasının aydınlaşdırmaları bu şübhələri dağıdır.
İkincisi, Azərbaycan üçün sülh müqaviləsinin tez razılaşdırılması gözlənilməz idi və onlar bu vəziyyətdən çıxmaq üçün problem görürlər. Həmçinin öz siyasi “qiymətlərini” artırmaq istəyirlər”.
Hakimiyyət deputatının fikrincə, Ermənistanın addımlarında heç nə dəyişməməlidir, müdafiə strukturları ölkə sərhədlərinin təhlükəsizliyini təmin etməyə hazır olmalıdır.
Ermənistan tərəfindən hərbi senarının mövcudluğu deputat tərəfindən təkzib edilir.
Fəlsəfə, Hüquq və Sosologiya İnstitutunun direktoru Emil Orduxanyanın fikrincə, diplomatik sahədə vəziyyət dəyişib.
Ermənistan Azərbaycanın sərhəddə üçüncü tərəfin iştirakını istisna etmək və beynəlxalq hüquqi instansiyalardan ərizələri qarşılıqlı geri götürmək təklifləri ilə razılaşıb:
“Əgər razılıq varsa, onda niyə Azərbaycan bu bəyanatdan sonra dezinformasiya kampaniyası başladıb? Bu, onların razılığa marağının olmadığını və sülhü pozmaq məqsədini göstərir”.
Təhlükəsizlik Siyasəti Tədqiqat Mərkəzinin rəhbəri Areq Koçinyan qeyd edir ki, beynəlxalq ictimaiyyətin sülh müqaviləsinin tez imzalanması çağırışları və ABŞ, AB, İran və Türkiyənin mövqeləri göstərir ki, Azərbaycanın təcavüzü üçün siyasi şərait mövcud deyil.
Koçinyanın fikrincə, Türkiyə və Azərbaycanın mövqelərində fərq var. 2020-ci ildən əvvəl Ankara açıq şəkildə münaqişədə tərəf olduğunu bildirirdi.
İndi isə iqtisadi maraqlar və regionun blokadasının aradan qaldırılmasını prioritizə edərək Azərbaycanla siyasi yanaşmalarda ziddiyyətlər yaşayır.
“Azərbaycan üçün bu qərar gözlənilməz idi. Onlar sülh prosesini uzatmaq istəyirdilər. İndi isə beynəlxalq təzyiqlər altındadırlar. Onların təxribatlarına dünyada inanan yoxdur”.
Eskalasiyanın kiçik ssenariləri istisna edilməsə də, Ermənistan hökuməti vəziyyəti kəskinləşdirmək məqsədi güdmədiyini bəyan edir.
Xarici işlər nazirliyinin nümayəndəsi Ani Badalyan Azərbaycanın militarizasiya və sərhəddə zərbə silahları yerləşdirmək iddialarına cavab verib:
“Ermənistanın gündəmində hərbi ssenariya yoxdur. Öz müdafiə hüququ çərçivəsində tədbirlər görülür”.
Erməni tərəfi atəşkəs pozuntularının araşdırılmasına hazır olduğunu bildirir, lakin Azərbaycan faktiki məlumat təqdim etməyib.
Həmçinin, region kommunikasiyalarının açılması ilə bağlı öhdəliklərdə Ermənistanın tək tərəfli vəzifəsi olmadığı vurğulanır.
