2025-ci ildə Ermənistan ilə Rusiya arasında ticarət dövriyyəsi təxminən 7,7 milyard ABŞ dolları təşkil edib ki, bu da 2024-cü illə müqayisədə təxminən 38,3% azalma deməkdir.
Bu barədə hökumətin 2025-ci il üzrə proqramının icrası və nəticələrinə dair hesabatına istinadən məlumat yayıb.
Rusiya ilə bağlı bölmədə xüsusilə qeyd olunur: “2025-ci il ərzində Rusiya Federasiyası ilə ali və yüksək səviyyələrdə dialoq davam etdirilib.
Ermənistanın Baş naziri Nikol Paşinyan və Rusiya Prezidenti Vladimir Putin arasında 4 görüş və 5 telefon danışığı baş tutub.
Ermənistanın Baş naziri Moskvada Böyük Vətən müharibəsində Qələbəyə həsr olunmuş tədbirlərdə iştirak edib. 2025-ci il iyulun 24-də Təbiətin və ətraf mühitin mühafizəsinə həsr olunmuş beynəlxalq konfrans çərçivəsində Altay Respublikasında Ermənistanın Baş naziri ilə Rusiya Hökumətinin sədri Mixail Mişustin arasında görüş keçirilib”.
