“The Hill” nəşrinin yazdığına görə, ABŞ Prezidenti Donald Trampın reytinqi yeni minimuma enərək 33% dəstək səviyyəsinə düşüb

ABŞ Prezidenti Donald Trampın reytinqi yeni ən aşağı səviyyəyə çatıb; eyni zamanda, İranla müharibəni dəstəkləyənlərin sayı da azalır.

Bu barədə “The Hill” jurnalı Massaçusets Universitetinin apardığı araşdırmaya istinadən məlumat yayıb.

Sorğunun nəticələrinə görə, respublikaçı Prezidentin fəaliyyətini vətəndaşların cəmi 33%-i bəyənir, halbuki 62%-i onun siyasətindən narazıdır.

 Üstəlik, respondentlərin 53%-i ölkənin mövcud siyasəti ilə bağlı “kəskin narazılığını” ifadə edib.

Eyni mənzərə xarici siyasət məsələlərində də müşahidə olunur: amerikalıların yalnız 29%-i prezidentin İrana qarşı atdığı addımları dəstəkləyir, 63%-i isə onun Yaxın Şərqdə apardığı siyasətə mənfi münasibət bildirib.