Ermənistan Müdafiə nazirliyinin nümayəndə heyəti NATO-nun qərargahında Müdafiə və Təhlükəsizlik Əməkdaşlığı İdarəsinin rəhbəri ilə əməkdaşlığı müzakirə edib
Ermənistan Respublikası Silahlı Qüvvələrinin Baş Qərargah rəisinin müavini, general-mayor Artur Yeroyanın başçılıq etdiyi nümayəndə heyəti Brüsseldə, Avropa Komissiyasının qərargahında iyunun 10-11-də Avropa Təhlükəsizlik və Müdafiə Kollecinin İcraedici Akademik Şurasının iclasında iştirak edib.
Ermənistan Müdafiə nazirliyinin yaydığı məlumata görə, tədbir zamanı general-mayor Artur Yeroyan Ermənistan ordusunun transformasiyası çərçivəsində hərbi təhsil və təlimlər sahəsində həyata keçirilən islahatları təqdim edib.
Çıxışlarla həmçinin Müdafiə nazirliyinin Vazgen Sarkisyan adına Hərbi Akademiyasının rəisi, general-mayor Arsen Manqasaryan və NATO və Aİ ilə hərbi təhsil sahəsində Ermənistan Müdafiə nazirliyinin əməkdaşlıq koordinatoru Tiqran Harutyunyan da çıxış ediblər.
Avropa Təhlükəsizlik və Müdafiə Kollecinin İcraedici Akademik Şurasının nümayəndələri Ermənistanın hərbi təhsil müəssisələrində həyata keçirilən islahatları yüksək qiymətləndirib və əməkdaşlığın genişləndirilməsini, xüsusilə AB-nin hərbi “Erasmus” (EMILYO) proqramı çərçivəsində vacib sayıblar.
Müdafiə nazirliyinin Milli Müdafiə Tədqiqat Universitetinin və Vazgen Sarkisyan adına Hərbi Akademiyasının kollecə assosiasiya olunmuş tərəfdaş statusu ilə üzv olması təklifi təsdiqlənib və təsdiq üçün kollecin Rəhbər Komitəsinə ötürülüb.
Brüsselə səfər çərçivəsində Ermənistan Müdafiə Nazirliyinin nümayəndə heyəti NATO-nun qərargahında Müdafiə və Təhlükəsizlik Əməkdaşlığı İdarəsinin rəhbəri Pirs Kazaletti ilə görüşüb, müdafiə sahəsində əməkdaşlığın cari proqramları və perspektivləri ilə bağlı məsələləri müzakirə edib.
