“Caspian Europe Forum” “Orta dəhliz”in iqtisadi potensialını təşviq edəcək – burada Almaniya mühəndisliyi, Avropa kapitalı və Xəzər regionunun resursları və işçi qüvvəsi birləşərək davamlı rəqəmsal və fiziki infrastrukturlar, ağıllı istehsal, rəqəmsal ekosistemlər və yaşıl texnologiyalar ixracı yaradır.
Bu barədə Almaniyada Ermənistan səfirliyindən məlumat verilib.
Səfir Yenqibaryan Xarici İşlər Federal nazirliyində “Caspian Europe Forum”un dəvəti ilə səhər yeməyi formatında görüş-müzakirədə iştirak edib.
Görüşdə “Caspian Europe Forum”un rəhbəri professor, doktor Rayner Lindner, Almaniya Ticarət-Sənaye Palatasının (DIHK) Xarici Ticarət üzrə rəhbəri doktor Volker Trayer, nazirliklərin nümayəndələri, təşkilatın rəhbər heyətinə cəlb olunmuş iş adamları, o cümlədən “Schneider Group” şirkətinin rəhbəri Ulf Şnayder, “Maleki Group” şirkətinin rəhbərləri doktor Nader Maleki və Darius Maleki iştirak ediblər.
Cənubi Qafqaz və Mərkəzi Asiya ölkələrinin səfirləri həmçinin iştirak ediblər.
Ermənistan səfiri Viktor Yenqibaryan regionda sülhün bərqərar olması prosesinə və sərhədlərin açılması perspektivlərinə, ticarət zəncirlərinin diversifikasiyasına və yeni infrastruktur yaradılmasında Avropa şirkətlərinin cəlb edilməsinin vacibliyinə məmnunluqla toxunub.
