“Voske Tsiran” beynəlxalq müsabiqəsinin münsiflər heyətinin tərkibi açıqlanıb
Yerevanın 23-cü“Voske Tsiran” (Qızıl Ərik”) Beynəlxalq Film Festivalı Beynəlxalq Müsabiqənin münsiflər heyətinin tam tərkibini təqdim edib.
Münsiflər heyətinin sədri müasir Avstriya kinosunun aparıcı simalarından biri olan Cessika Hausnerdir.
Onun filmlərinin premyeraları Kann və Venesiya film festivallarında keçirilib və janr kinosuna yenilikçi yanaşmasına görə geniş tanınıb.
Mark Kazins irlandiyalı-şotlandiyalı kino tarixçisi və rejissordur. Onun dünya şöhrətli “Kino tarixi: Odisseya” sənədli serialı müasir kino tənqidinin fundamental əsərlərindən birinə çevrilib.
O, çoxsaylı kitabların və sənədli filmlərin müəllifidir.
Nauel Peres Biskayart argentinalı aktyordur. O, daha çox Robin Kampilyonun Fransada çəkilmiş “Dəqiqədə 120 zərbə” (2017) filmində baş rol ifaçısı kimi tanınır.
Bu roluna görə o, “Sezar” və “Lümyer” mükafatlarına layiq görülüb.
Mark Peranson kanadalı yazıçı, prodüser və uzun illər fəaliyyət göstərən kino kuratorudur.
O, Berlin və Lokarno film festivallarının proqram rəhbəri olub. Kino haqqında məqalələri “Sight and Sound”, “Film Comment”, “Cahiers du Cinéma” və digər nüfuzlu nəşrlərdə dərc edilib.
Şermin Lanqhof alman-türk teatr prodüseridir. O, 2013-cü ildən etibarən Berlindəki Qorki Teatrının bədii rəhbəridir.
Onun rəhbərliyi altında teatr Almaniyada iki dəfə “İlin Teatrı” seçilib və çoxsaylı mükafatlar qazanıb.
Yerevanın 23-cü “Qızıl Ərik” Beynəlxalq Film Festivalı 2026-cı il iyulun 12-dən 19-dək keçiriləcək.
Bu il də festival dünyanın müxtəlif ölkələrindən müsabiqə və müsabiqədənkənar proqramlar, həmçinin Kann, Berlin və digər aparıcı beynəlxalq kino platformalarından filmlər təqdim edəcək.
Festival çərçivəsində dünya miqyasında tanınan kino xadimləri, rejissorlar, aktyorlar və sahə mütəxəssisləri Ermənistana gələcəklər.
Onlar öz təcrübə və yaradıcılıqlarını erməni tamaşaçılarına təqdim edərək dialoq, yeni ideyalar və mədəni mübadilə üçün unikal bir platforma formalaşdıracaqlar.
