Azərbaycandan Ermənistana 18 vaqon benzin və 8 vaqon dizel yanacağı göndərilib

Azərbaycan mediasının məlumatına görə, Azərbaycandan Ermənistana yeni neft məhsulları partiyası ixrac edilib. Bu gün Biləcəri stansiyasından ümumilikdə 971 ton olan 18 vaqon Aİ-92 benzini, eləcə də ümumilikdə 467 ton olan 8 vaqon dizel yanacağı göndərilib.

Bu günə qədər Azərbaycandan Ermənistana 14 min tondan çox dizel yanacağı və 4 min tondan çox Aİ-92 və Aİ-95 benzini ixrac edilib.

Bundan əlavə, Rusiyadan Ermənistana Azərbaycan ərazisindən tranzit olaraq 34 min tondan çox taxıl, təxminən 8 min tona yaxın gübrə, 133 ton alüminium, 68 ton qarabaşaq və 414 ton antrasit daşınıb.