8 iyulda xarici işlər nazirinin müavini Vahan Kostanyan Livana işgüzar səfəri çərçivəsində Livan Prezident Administrasiyasının baş direktoru Antuan Şuker ilə görüşüb. Bu barədə ER Xarici İşlər Nazirliyi məlumat verib.
Görüş zamanı Antuan Şuker Ermənistan hökumətinə Livana göstərilən davamlı dəstəyə, o cümlədən humanitar yardımın göstərilməsinə görə təşəkkür edib.
İki ölkə arasındakı dostluq münasibətlərini yüksək qiymətləndirən Vahan Kostanyan Ermənistanın dost Livanı dəstəkləməyə davam etmək, ölkədəki humanitar vəziyyətin yüngülləşdirilməsinə töhfə vermək öhdəliyini bir daha təsdiqləyib.
Həmsöhbətlər həmçinin Ermənistan və Livan prezidentlərinin aparatları arasında əməkdaşlığın inkişafına toxunaraq, bu əməkdaşlığın institusional cəhətdən gücləndirilməsinin və zəruri hüquqi və müqavilə əsaslarının formalaşdırılmasının vacibliyini vurğulayıblar.
