Ermənistanda Avropa Birliyi Müşahidə Missiyasının Kapan filialının nümayəndələri Ermənistan və Gürcüstanda Danimarkanın səfiri Ann Tovt Sorenseni qəbul ediblər.
Verilən məlumata görə, səfər barədə AB missiyası X mikrobloqunda etdiyi paylaşım vasitəsilə məlumat yayıb.
“Səfər zamanı səfir müşahidə missiyasının mandatı, vəzifələri və Syünik bölgəsindəki fəaliyyəti ilə tanış olub. O, həmçinin Kapan ərazisindəki işlə birbaşa tanış olmaq üçün missiyanın patrul qrupuna qoşulub” – deyə paylaşımda qeyd olunub.
Müşahidə missiyası həmçinin xatırladıb ki, Danimarkanın missiyanın tərkibində 6 ekspertdən ibarət nümayəndəliyi var.
