Mayın 30-da Ermənistanın Müdafiə naziri Suren Papikyan Müdafiə nazirliyinin sülhməramlı qüvvələrinin briqadasında olub, Beynəlxalq Sülhün Müdafiəsi Gününə həsr olunmuş təntənəli mərasimdə iştirak edib.
Hərbçiləri peşə bayramları münasibətilə təbrik edən Müdafiə naziri İraq, Kosovo, Əfqanıstan, Suriya, Livan, Mali və Qazaxıstanda tərəfdaş ölkələrin hərbçiləri ilə birgə həyata keçirilən sülhməramlı missiyalara təşəkkür edib.
Briqada hərbçilərinin peşəkarlığını yüksək qiymətləndirən Suren Papikyan sülhün dəyərini dərk edən erməni hərbçilərinin qarşıya qoyulan vəzifələri şərəflə yerinə yetirdiklərini, bununla da münaqişə və müharibə qurbanlarının təhlükəsizliyinin və əmin-amanlığının təmin edilməsinə öz töhfələrini verdiklərini vurğulayıb.
Təntənəli mərasimdə sülhməramlı briqadanın bir sıra hərbi qulluqçularına Müdafiə naziri, Silahlı qüvvələrin Baş qərargah rəisi vəzifəsini icra edən hərbi hissə komandiri tərəfindən idarənin medalları və diplomları təqdim edilib.
Müdafiə naziri və onu müşayiət edən yüksək rütbəli zabitlər hərbi hissənin ərazisində ucaldılmış abidənin önünə gül dəstələri düzərək, 44 günlük müharibədə həlak olan qəhrəmanların xatirəsini ehtiramla yad ediblər.
