Bundestaqın Xarici Əlaqələr Komitəsinin sədri: “Azərbaycan təcavüzünə son qoymalıdır”

Ermənistan sülh, sabitlik, demokratiya və qanunun aliliyinə gedən yolda Almaniyanın dəstəyini qazanıb.

Aldığımız məlumata görə, bu haqda, Ermənistanın Baş naziri Nikol Paşinyanla görüşdən sonra Almaniya Bundestaqının Xarici Əlaqələr Komitəsinin sədri Mixael Rot “Twitter”də qeyd edib.

“Baş nazir Nikol Paşinyan, Bundestaqa xoş gəlmisiniz.

Ermənistan sülh, sabitlik, demokratiya və qanunun aliliyinə gedən yolda bizim dəstəyimizi qazanıb. Azərbaycan təcavüzünə son qoymalıdır.

Nə yaxşı ki, AB nəhayət ki, bölgədə daha böyük məsuliyyəti öz üzərinə götürür”- deyə o,  yazıb.

Martın 3-də Paşinyan Bundestaqda qəbul edilib və Prezident Maykl Rotun başçılıq etdiyi Xarici Əlaqələr Komitəsinin üzvləri ilə görüşüb.

Sonuncu Baş naziri salamladı və qeyd etdi ki, səfər həm Ermənistan-Almaniya parlamentlərarası əməkdaşlığı, həm də Cənubi Qafqaz regionunda baş verən prosesləri müzakirə etmək üçün yaxşı fürsətdir.