AB-nin Ermənistandakı mülki müşahidə missiyası fevralın 20-də fəaliyyətə başlayıb. “RadarArmeniya” Ermənistandakı missiyanın rəhbərinin kim olduğunu və onun hansı iş təcrübəsinə malik olduğunu oxucularına təqdim edir.
Missiyanın rəhbəri 1962-ci il təvəllüdlü Markus Ritterdir, Almaniya Federal Polisində 27 illik peşəkar karyerası olub, müxtəlif rəhbər vəzifələrdə çalışıb.
1997-1998-ci illərdə itaətsizliyə və ictimai asayişin pozulmasına qarşı polis batalyonuna, Federal Sərhəd Mühafizə İdarəsinə rəhbərlik edib.
2002-2004-cü illərdə Frankfurt Hava Limanında Sərhəd Mühafizəsi Departamentinin direktor müavini olub.
Sərhəd Polisi İdarəsində, Federal Polisin Mərkəzi Aparatında müxtəlif vəzifələrdə çalışıb. 2014-cü ildə Frankfurt Beynəlxalq Hava Limanının Regional Federal Polisinin vitse-prezidenti təyin edildi, 2020-2023-cü illərdə Ştutqartda eyni Polisin rəisi idi.
Onun beynəlxalq səviyyədə də zəngin iş təcrübəsi var. 2004-2005-ci illərdə BMT-nin Kosovo missiyasının qərargah rəisi, 2007-2008-ci illərdə BMT-nin Gürcüstandakı müşahidə missiyasının qərargah rəisi, 2012-2013-cü illərdə Cənubi Sudanda AB Aviasiya Təhlükəsizliyi Missiyasının Proqramlaşdırma və Əməliyyatlar şöbəsinin rəhbəri, 2017-2019-cu illərdə AB-nin Bağdaddakı məsləhət missiyasının rəhbəri olub.
1989-1994-cü illərdə Almaniyanın Heidelberg Universitetində hüquq dərəcəsi almışdır. Hüquq üzrə magistr dərəcəsi ilə yanaşı, inzibati elmlər üzrə də magistr dərəcəsinə malikdir və 1999-cu ildə Almaniyanın Şpeyer İnzibati Elmlər Universitetində elmlər doktoru elmi dərəcəsi almışdır.
Markus Ritter evlidir və 2 övladı var.
Cənubi Sudanda AB Aviasiya Təhlükəsizliyi Missiyası üçün Proqram və Əməliyyatlar Mərkəzində çalışıb.
Gürcüstanda BMT-nin müşahidəçi missiyası olub.
