Azərbaycanın məqsədi erməniləri Artsaxdan tamamilə çıxarmaqdır. Bu barədə Artsax Prezidentinin xüsusi tapşırıqlar üzrə müşaviri Davit Babayan NEWS.am müxbirinin xahişi ilə Bakıdan gələn daha bir “dəvət”i şərh edərkən bildirib.
“Bir daha biz “Qarabağ cəmiyyəti”nin dəvətini görürük.Aydındır ki, heç bir bərabər hüquqlu dialoqdan, danışıqlardan söhbət gedə bilməz.
Birincisi, Qarabağ cəmiyyəti nə deməkdir? O insanlar kimlərdir? Onları kim seçəcək? Onları kim göndərəcək? Danışıqlar bərabər tərəflər arasında ola bilər.
Dialoq bərabərlər arasında ola bilər. Azərbaycan bizi nəinki bərabər hüquqlu kimi tanımır, hətta Artsaxın varlığını heç tanımır.
Onların məqsədi çox sadədir orada erməni qalmasın vəssalam. Kimsə qalsa, yalnız Tanqanın bir eksponatı olaraq. Tutaq ki, konsentrasiya düşərgəsində deyilsə, safari parkında. Bakının artıq təcrübəsi var. Ola bilər ki, parkda olanları ovlamaq hüququ ilə…
Təbii ki, belə bir kontekstdə hər hansı görüşlər, müzakirələr bizim üçün qəbuledilməzdir. Artıq dediyim kimi, danışıqlar bərabər əsaslarla və üçüncü tərəflərin iştirakı ilə aparıla bilər.
Rusiya, ATƏT-in Minsk qrupunun digər həmsədrləri görüşlərdə iştirak edə bilməzlər.
Bakının mətbuatın təqdim etdiyi təkliflərdə isə “Ana Azərbaycan”ın günahlarını boynuna alıb tövbəyə gedən, səhvini boynuna alıb diz çöküb dilənməyə gələn bəzi qiyamçılar, aborigenlərlə dialoqundan başqa heç nə nəzərdə tutulmur.
Bundan əlavə, Bakıda təkrarlanan “inteqrasiya” sözü bərabərlik, könüllülük, qarşılıqlı faydalı layihələri nəzərdə tutur.
Yuxarıdakıların heç birini görmürük. Heç bir eyham, hətta bir addım belə, münasibətləri tənzimləmək cəhdi yoxdur” – deyərək Davit Babayan yekunlaşdırıb.
