Aprelin 19-da Müdafiə naziri Suren Papikyan Hindistanın Ermənistanda yeni təyin olunmuş Fövqəladə və səlahiyyətli səfiri Nilakşi Saha Sinhanı qəbul edib.
Bu haqda Ermənistan Müdafiə nazirliyindən məlumatlandırılıb.
Müdafiə naziri səfiri Ermənistanda fəaliyyətə başlaması münasibətilə təbrik edib və ona səmərəli fəaliyyət arzulayıb.
Görüşdə müdafiə sahəsində əməkdaşlıqla bağlı bir sıra məsələlər müzakirə olunub.
Suren Papikyan Ermənistan-Hindistan əməkdaşlığının hazırkı səviyyəsini yüksək qiymətləndirərək, ikitərəfli əməkdaşlığın yeni inkişaf mərhələsinə qədəm qoyduğunu qeyd edib.
Səfir Hindistan tərəfinin əməkdaşlığı inkişaf etdirməyə hazır olduğunu bildirib.
Həmsöhbətlər regional təhlükəsizliklə bağlı bir sıra məsələləri həmçinin müzakirə ediblər.
