Ermənistan qoşunları hazırda olması lazım olan yerdədir. Bunu mayın 15-də parlamentdə jurnalistlərlə söhbətində parlamentin müdafiə və təhlükəsizlik məsələləri daimi komissiyasının sədri, hakim “Mülki müqavilə” fraksiyasının deputatı Andranik Koçaryan Aİ-nin ER-dəki nümayəndə heyətinin rəhbərinə cavab verərkən deyib.
Deputat xatırladıb ki, Azərbaycan Ermənistana qarşı hərbi təcavüzün təşəbbüskarı olub: “Azərbaycan qoşunları Ermənistan Respublikasının suveren ərazisini işğal edib. Təkrar edirəm, bizim olan bizimdir və gec-tez bu reallıq yaradılmalıdır. Sərhədlərimizi tanırsınızsa, deməli, onlar toxunulmazdır. Üstəlik, Silahlı Qüvvələrimiz onun əsas təminatı olacaq”, – deyə Koçaryan bildirib.
Xatırladaq ki, Aİ-nin Ermənistandakı nümayəndə heyətinin rəhbəri səfir Andrea Viktorinin brifinqi zamanı bildirib ki, Ermənistan və Azərbaycan qoşunlarını çıxarmalıdır. “Ümid edirəm ki, hər iki tərəf öz qoşunlarını çıxaracaq və sərhədlərin müəyyən edilməsi və demarkasiyaya başlayacaq, Bu son dərəcə vacibdir”, – Viktorin bildirib.
