Uels milli futbol komandasının azarkeşləri arasında mübahisə və dava olub
Noyabrın 18-də saat 01:18 radələrində ER Daxili İşlər Nazirliyinin Polis İdarəsinin əməliyyat idarəetmə mərkəzinə Puşkini küçəsində mübahisə və dava olması barədə məlumat daxil olub.
Həmin gün saat 1:39 və 1:43-də Daxili İşlər Nazirliyinin əməliyyat idarəetmə mərkəzinə Aram Xaçatryanın heykəlinin yaxınlığında bir neçə şəxsin bir vətəndaşı döyməsi barədə məlumat daxil olub.
Göstərilən yerlərə gedən polis əməliyyatçıları müəyyən ediblər ki, Puşkin küçəsi 43 ünvanının yaxınlığında Uels milli futbol komandasının azarkeşləri arasında dava düşüb. Onlar sərxoş vəziyyətdə ictimai asayişi kobud şəkildə pozub, bir-birini vuraraq fiziki xəsarətlər yetirib, sonra isə bütün bunları Maştots və Sayat-Nova prospektlərinin kəsişməsində davam etdiriblər.
Görülən tədbirlər sayəsində xuliqanlıqda əsaslı şübhə ilə 15 Uels və 1 Yeni Qvineya vətəndaşı tutularaq Mərkəzi Polis İdarəsinə təhvil verilib. Daha 16 nəfər sərxoş vəziyyətdə ictimai yerə çıxdıqları üçün tutularaq şöbəyə aparılıb, sonra isə sərbəst buraxılıb.
“Hadisənin iştirakçıları media vasitəsilə hadisə ilə bağlı məlumat yayıb, əksəriyyəti reallığa uyğun gəlmir. Sizi həqiqətə uyğun olmayan və dəqiqləşdirilməmiş məlumatları dərc etməkdən çəkinməyə çağırırıq”, – deyə polisin yaydığı mesajda deyilir.
