Stratfor yazır ki, Cənubi Qafqaz 2025-ci ildə də Ermənistan və Azərbaycanın sülh danışıqlarında öz mövqelərini gücləndirmək üçün xarici dəstək axtardıqları bir geosiyasi təsir mübarizəsi meydanı olaraq qalacaq.
Nəşrə görə, Ermənistan və Azərbaycan sülh sazişinə doğru irəliləməyə davam edəcəklər. Lakin Ermənistanda konstitusiya dəyişiklikləri, sərhədlərin tam delimitasiyası və kommunikasiyaların açılması ilə bağlı fikir ayrılıqları, ehtimal ki, 2025-ci ildə sülh sazişinin imzalanmasına mane olacaq.
Bu məsələlərin bəziləri sonrakı razılaşmalara təxirə salına bilər, lakin tam razılıq əldə olunmadıqca, regionda münaqişənin yenidən alovlanma ehtimalı qalacaq, çünki Bakı danışıqlarda öz üstünlüyünü saxlamaq üçün hərbi üstünlüyündən istifadə edir.
Hər iki tərəf danışıqlarda təsir gücünü qorumaqda onlara kömək edə biləcək xarici sponsorlar axtaracaq. Bildirilir ki, Azərbaycan və Ermənistan Moskva ilə toqquşmadan çəkinəcəklər.
Çünki Rusiya Ukraynada güclü təsirə malikdir və rusiyayönümlü Gürcüstan hökuməti yaxın illərdə Cənubi Qafqazdakı təsirini artırmaq üçün Rusiyanın resurslarını genişləndirir.
Nəşrdə həmçinin qeyd olunur ki, Ermənistanın ABŞ-dan güclü dəstək təmin etmək cəhdləri, yeni seçilmiş prezident Donald Trampın administrasiyasının Rusiyanın, İranın və Çinin regional təsirinə qarşı Bakıyla sıx münasibətlərə üstünlük verməsi səbəbindən çətinləşəcək.
Əvəzində, Ermənistan Fransa hərbi texnikasına ümid edəcək və Avropa İttifaqı ilə ticarəti artırmağa çalışacaq. Ermənistan, Qərblə artan siyasi və təhlükəsizlik əlaqələrindən istifadə edərək Azərbaycanı eskalasiyadan çəkindirmək və Bakı ilə sülh danışıqlarında əsas tələb – Ermənistanın Cənubundan tranzit məsələsinə qarşı durmağa çalışacaq.
Mətn factor.am-ə aiddir.
