AB diplomatik rəhbəri  Kala Kalas Ermənistana gələcək

Avropa Birliyi Xarici işlər və təhlükəsizlik siyasəti üzrə ali nümayəndəsi Kaya Kallas yaxın zamanda Ermənistana səfər edəcək.

Xəbər agentliyinin məlumatına görə, bu barədə Ermənistan parlamentinin Avropa inteqrasiyası məsələləri üzrə komissiyasının fövqəladə iclasında Ermənistan Xarici işlər nazirinin müavini Paruyr Hovhannisyan məlumat verib.

Hovhannisyan bu səfərlə bağlı təfərrüatlar təqdim etməyib, lakin əməkdaşlıqla bağlı müxtəlif məsələlərin müzakirə olunacağını qeyd edib.

“Gələn həftələrdə Avropa Birliyinin ali nümayəndəsi Kaya Kallasın Ermənistana səfəri baş tutacaq” – deyə Hovhannisyan bildirib və əlavə edib ki, başqa yüksək səviyyəli səfərlər də planlaşdırılır.