Azərbaycan təyyarələri İsrail aviabazasından Bakıya yük daşımağa davam edir

Azərbaycanın Silk Way Airlines yük daşıma şirkətinin İsrailin “Ovda” aviabazasına uçuşları yenilik deyil, lakin diqqətçəkən tərəfi bu uçuşların intensivliyi ilə Bakı rejiminin hərbi təcavüz hərəkətlərinin üst-üstə düşməsidir.

Bu faktı 2023-cü ilin martında İsrailin “Haaretz” qəzeti qeyd etmişdi və qeyd edirdi ki, “Ovda” İsraildə partlayıcı maddələrin idxalı və ya ixracı üçün istifadə edilən yeganə aerodromdur.

Azərbaycan isə İsrail hərbi təchizatının əsas alıcılarından biridir və 2016-cı ildən sonra İsrail rəsmi olaraq Bakı rejiminin əsas hərbi tədarükçüsü kimi tanınır.

Əvvəlki məqalələrimizdə 2016-2024-cü illərdə Silk Way Airlines-ın İsraildən Azərbaycana yük uçuşlarına toxunmuşduq. Bu uçuşların sayı, Əliyev rejiminin Qarabağa və/və ya Ermənistana qarşı yeni hərbi təcavüzü zamanı daimi artım göstərmişdir.

2024-cü ildə İsrail aviabazasından Azərbaycan yük təyyarələrinin uçuşları yalnız 2020-ci ilin göstəricilərindən geri qalır

Diqqətəlayiqdir ki, 2024-cü il erməni-azərbaycanlı silahlı qarşıdurmalar baxımından passiv il olub.

Lakin 2020-ci ildən sonra ilk dəfə keçən ildə Azərbaycan yük təyyarələrinin “Ovdadan” illik uçuşları 20 həddini keçib. Əgər müharibə ili olan 2020-də Silk Way Airlines təyyarələri 26 dəfə “Ovdadan” Azərbaycana uçmuşdursa, 2024-cü ildə bu rəqəm 23 olub.

Xüsusilə qeyd edək ki, keçən ilin sonunda Əliyev və onun təbəələri yenidən təcavüzkar ritorika, anti-erməni bəyanatları və hədələri ilə diqqət çəkiblər.

Bu fonda “Ovda” aviabazasından Azərbaycana yük uçuşlarının kəskin artımı təsadüfi deyil. Yalnız 2024-cü ilin dekabrında “Hetq” bu tip 6 uçuş qeydə alıb, halbuki əvvəlki 11 ayda aylıq maksimum göstərici 4 (iyul ayında) olub.

Silk Way Airlines-ın yük təyyarələrinin “Ovda”-Azərbaycan uçuşlarını izləməyə davam edərək, bu ilin yanvar-mart aylarında flightradar24.com saytı vasitəsilə biz bu tip 6 uçuş saymışıq.

Qeyd edək ki, “Ovdadan” uçan təyyarələr mütləq Bakıya enməyə bilər (bəzən Gəncəyə enirlər), lakin 2025-ci ilin ilk rübündə onlar yalnız Bakıya eniblər.

Vurğulayaq ki, biz yalnız “Ovdadan” olan uçuşları seçmişik, baxmayaraq ki, Silk Way Airlines geri uçuşları zamanı Tel-Əviv və Eylata da uçur.

Haaretz-in məlumatına görə, partlayıcı maddələrin daşınması İsrailin əsas olan Tel-Əvivin “Ben Qurion” aeroportu vasitəsilə qadağandır, çünki o, sıx məskunlaşma zonasında yerləşir.

Bunun əvəzinə “Ovda” ölkənin cənubundakı səhra zonasında, Eylat şəhərindən təxminən 45 km şimaldadır. 1980-ci ildə tikilən “Ovda” keçmişdə təkcə hərbi aviasiyaya xidmət etmirdi, həm də Eylat şəhərini və ətraf əraziləri qidalandıraraq mülkü reyslər qəbul edirdi.

 Lakin 2019-cu ildən, Eylatın yeni aeroportu açılandan sonra (sərnişin axınına görə o, “Ben Qurion”dan sonra ikincidir), “Ovda” yalnız hərbi aerodrom kimi qaldı.

Beləliklə, cari ilin ilk rübündə Silk Way Airlines-ın yük təyyarələri Bakı-“Ovda”-Bakı marşrutu ilə aşağıdakı sayda uçuşlar həyata keçiriblər:

Yanvar: 3

Fevral: 2

Mart: 1

Vurğulayaq ki, “Ovdadan” Azərbaycana uçarkən Silk Way Airlines təyyarələri Kipr, Türkiyə və Gürcüstanın hava məkanlarından keçir (aşağıdakı şəkilə baxın).

06.02.2025 — 4K-AZ102 təyyarəsinin “Ovda”-Bakı uçuşu (uçuş nömrəsi: ZP4672)

Əlavə edək ki, Azərbaycan aviaşirkəti “İl-76TD” tipli yük təyyarələrindən istifadə edir, lakin yuxarıda qeyd olunan 6 uçuşun hamısı 4K-AZ102 qeydiyyatlı təyyarə tərəfindən həyata keçirilib.

İnfografikalar: Aren Nazaryan

Fotoşəkildə: 4K-AZ102 təyyarəsi Bakıdan Tel-Əvivə enir, 05.11.2024. Mənbə: jetphotos.com