Hindistan Sindur əməliyyatı zamanı Pakistanda 100 terrorçunu məhv edib

Hindistan Sindur əməliyyatı çərçivəsində Pakistanda 100-dən çox terrorçunu məhv edib. Bu barədə Hindistanın müdafiə naziri Racnat Sinqh Hindistan siyasi partiyalarının nümayəndələri ilə görüşü zamanı bildirib. Görüşün məzmunu barədə Hindistanın NDTV telekanalı məlumat yayıb.

Sinqhə görə, Sindur davamlıdır. O qeyd edib ki, Hindistan növbəti zərbələr endirmək istəmir, lakin Pakistan qüvvələri hücum edərsə cavab verəcək.

Sinq İslamabada hərbi vasitələrə əl atmamaq və münaqişəni daha da genişləndirmək barədə xəbərdarlıq edib.

Hindistan-Pakistan münasibətləri aprelin 22-də Hindistan birliyinin Cammu və Kəşmir ərazisindəki Pahalqam şəhərində 25 Hindistan vətəndaşının və bir Nepallının ölümünə səbəb olan terror hücumundan sonra pisləşib.

Hindistan Pakistanın Xidmətlərarası Kəşfiyyat İdarəsinin Lashkar-e-Taiba tərəfindən həyata keçirilən hücumda əli olduğuna dair sübutlara malik olduğunu bildirib.

Yeni Dehli və İslamabad qarşılıqlı məhdudiyyətlər qoyub, ikitərəfli razılaşmaları dayandırıb və bir-birinin hava məkanını təyyarələr üçün bağlayıb.