Azərbaycan tərəfinin Syunik vilayətinin Xoznavar qəsəbəsi istiqamətinə atəş açması əhali arasında panika yaratmaq məqsədi daşıyır.
“Armenpress”in məlumatına görə, bunu jurnalistlərlə keçirdiyi brifinqdə Parlamentin müdafiə və təhlükəsizlik daimi komissiyasının sədr müavini Armen Xaçatryan deyib.
“Azərbaycan tərəfinin məqsədi məhz panika və təşviş yaratmaqdır və təbii ki, hansısa kəndin yaxınlığında atəş açanda bu, bəzi kənd sakinlərini narahat edir. Bu təbiidir. Əgər güllələrin onların damına və ya müxtəlif tikililərə dəydiyini görsələr, təbii ki, bu, onları narahat edir”. Xaçatryanın sözlərinə görə, belə hallar artıq bir neçə dəfə qeydə alınıb.
“Təəssüf ki, bu cür hallar vaxtaşırı təkrarlanır. Güllələrin istiqamətini, birbaşa məqsədlə, təsadüfən, yoxsa başqa şəraitdən atılmasını müəyyən etmək üçün bir sıra məhkəmə və ballistik ekspertizalar təyin edilib, cinayət işləri başlanıb. Bu ekspertizalardan real mənzərə daha aydın görünəcək”, – deputat vurğulayıb.
ER Müdafiə Nazirliyinin məlumatına görə, mayın 29-da saat 01:00-01:15 radələrində Syunik rayonunun Xoznəvar qəsəbəsi istiqaməti Azərbaycan Silahlı Qüvvələrinin bölmələri tərəfindən atəşə tutulub, nəticədə yaşayış evinə ziyan dəyib. Zərər çəkənlər yoxdur.
