Ermənistan Respublikası özünü xarici təsir agentlərindən qoruyacaq. Alınan məlumata görə, bu haqda Parlamentdə hökumət sual-cavabı zamanı ER Baş naziri Nikol Paşinyan bildirib.
“Ermənistan Respublikası özünü xarici KQB agentlərindən və— onların siyasi xadimin qalstuku altında, yaxud ruhani xidmətçinin ridası altında gizlənməsindən asılı olmayaraq xarici təsir agentlərindən qoruyacaqdır.
ER özünü qoruyacaq, ER xalqı öz dövlətini qoruyacaq, Ermənistan dövləti isə öz xalqını qoruyacaq” — deyə Paşinyan bildirib.
O, əlavə edib ki, dövlət öz rolunda olacaq. Baş nazir qeyd edib ki, 2018-ci ildən bəri xalq hakimiyyəti “məxməri” olmaqda ittiham edir, 2021-ci ildə isə “polad mandat” verib.
“Biz də həmin polad mandatı mümkün qədər yumşaq şəkildə tətbiq edirik. Bu mandatı biz xalqdan almışıq. Hətta xalq narazıdır ki, biz bu mandattan kifayət qədər sərt şəkildə istifadə etmirik” — deyərək o, vurğulayıb.
