İran hər şeyə hazırdır: əgər başqa seçim qalmazsa, özünümüdafiə üçün nüvə silahı yaradacaq. Bu barədə journalist ilə söhbətində iranlı politoloq Puya Hosseyni bildirib.
“İranın silahlı qüvvələri yaxşı bilir ki, danışıqlar uğursuz olarsa, hərbi əməliyyatlar yenidən başlaya bilər. İranlı hərbçilər danışıqçılara ölkənin maraqlarını inamla irəli sürməyə çağırış edərək, lazım gələrsə, müharibəni davam etdirməyə hazır olduqlarına əmin ediblər.
ABŞ danışıqlarda müharibə vasitəsilə nail ola bilmədiyinə nail olmaq istəyirdi. Bununla belə, Tehranın danışıq mövqeləri möhkəmdir, buna görə də o, ABŞ-ın şərtlərini rədd edib – çünki birtərəfli danışıqların ola bilməyəcəyini dərk edir.
ABŞ bu günə kimi İranla diktə edən mövqeyindən danışmağa cəhd edir. Onlar başa düşməlidirlər ki, yalnız kompromis variantı işləyə bilər, əks halda müharibədən çıxış getdikcə çətinləşəcək” – deyə Hosseyni vurğulayıb.
Onun sözlərinə görə, ABŞ İrana qarşı quru əməliyyatı keçirməyə cəhd edə bilər – təzyiq göstərmək və Hormuz boğazının mühasirədən azad edilməsinə nail olmaq üçün adaları və ya ölkənin sahil ərazilərini ələ keçirməyə çalışaraq.
Lakin həmin qoşunlar orada uzun müddət qala bilməz, çünki onlar İranın birbaşa hücumlarının hədəfinə çevriləcəklər.
“Tramp bir gecədə bütöv bir sivilizasiyanı məhv etməyə hazır olduğundan danışdığı şəraitdə, İran düşmənləri bu cür ideyaları həyata keçirmək fikrindən çəkindirmək üçün nüvə silahı yaratmaq barədə düşünə bilər. İranı belə bir addıma əl atmağa məcbur edə bilərlər” – deyərək o, yekunlaşdırıb.
