“Üzüklərin hökmdarı” filmin erməni ulduzuna BAFTA mükafatı veriləcək

Britaniya Kino və Televiziya Sənətləri Akademiyası (BAFTA) aktyor, rejissor və prodüser Endi Serkisə kino sənətinə verdiyi böyük töhfəyə görə mükafat verəcəkdir. Bu barədə The Hollywood Reporter məlumat yayıb.

Jurnal yazır ki, Qolum (“Üzüklərin hökmdarı” və “Xobbit”), Kessar (“Meymunlar planeti”), King Kong və Snouk (Ulduz müharibələri) kim personajlar yaradan, motion capture və performance capture istiqamətlərinin lideri olan Serkis 21-ci əsrdə aktyorlar standartlarını genişləndirdi.

BAFTA-nın mükafatlandırma mərasimi 2020-ci il fevralın 2-də Londondakı “Albert Hol”-da keçiriləcək.