Ermənistan Respublikası Baş nazirinin mətbuat katibi Mane Gevorgyan Türkiyə prezidenti Rəcəb Tayyib Ərdoğanın açıqlamasına toxunub. Türkiyə prezidenti qeyd etmişdir ki, Nikol Paşinyan Gürcüstan baş naziri İrakli Qaribaşvili vasitəsilə onunla görüşməyi təklif edib.
Mane Gevorgyan qeyd edir ki, Baş nazir Parlamentin son sual-cavab sessiyası zamanı Türkiyə ilə dialoqa başlamağa dair öz fikrini söyləyərək qeyd edib ki, yüksək səviyyəli təmaslardan əvvəl işçi müzakirələr aparılmalıdır və bu fikri beynəlxalq tərəfdaşlara da təqdim edir.
“Armenpress” mövzu ilə bağlı Baş nazirin mətbuat katibi Mane Gevorgyanla danışıb.
Gevrogyan vurğulayıb ki, Baş nazir Paşinyan bütün beynəlxalq görüşlərində həmkarlarına hökumətin proqramında təsbit edilmiş Ermənistan və region üçün dinc inkişaf dövrü açmaq vizyonunu təqdim edir və Ermənistan hökumətinin bu istiqamətdə səy göstərməyə hazır olduğunu ifadə edir.
“Ermənistan hökuməti bu təmaslara hazır olsa da, bu anda Ermnistan və Türkiyə rəsmiləri arasında heç bir əlaqə olmayıb. Bu cür səmərəli iş görüləcəksə, Ermənistan da yüksək və ən yüksək səviyyələrdə görüşlərə hazır olacaq”- deyə Gevorgyan qeyd edib.
Türkiyə prezidentinin səsləndirdiyi Ermənistan ərazisindən bir dəhliz açılması məsələsinə toxunaraq Gevorgyan vurğulayıb ki, Ermənistanın 9 Noyabr və 11 Yanvar bəyanatlarında qeyd olunan razılaşmaların dəqiq yerinə yetirilməsinə önəm verir.
“Kommunikasiyaların açılması bölgədə davamlı sülh və sabitliyin bərqərar olması, bölgədəki ağrılı düşmənçilik atmosferinin aradan qaldırılması üçün son dərəcə əhəmiyyətlidir və Ermənistan bu istiqamətdə hərəkət etmək və nəticələr əldə etmək əzmindədir. Bəzi ifadələrdə kommunikasiyaların yenidən açılması mövzusu dəyişdirilir və regional təcrid olunma məntiqini öz üzərinə götürür.
Dəhlizlərdən danışmaq da məhz belədir və düşmənçilik atmosferini aşaraq bölgədə sülh və sabitlik qurmaq məntiqinə ziddir. Yalnız bölgə dövlətlərini və xalqlarını təcrid etmək deyil, həm də bu təcrid olunmanın geri dönməz görünməsini təmin etmək məqsədi daşıyır. Ancaq regional qarşılıqlı əlaqəni vurğulayan və düşmənçiliyi addım -addım aradan qaldırmağın əsl yolu ola biləcək regional əlaqələr açmağın yolları da var. Ermənistan hökuməti belə bir seçimin tərəfdarıdır və bu seçim 9 Noyabr üçtərəfli bəyanatın 9 -cu bəndində və 11 Yanvar üçtərəfli bəyanatında təsvir edilmişdir “,- deyə ER Baş nazirinin mətbuat katibi söyləyib.
