Ermənistan millisinə ukraynalı mütəxəssis Aleksandr Petrakov rəhbərlik edəcək. Bu haqda FFA-nın rəsmi saytı məlumat yayıb.
“Yanvarın 14-də FFA İcraiyyə Komitəsinin iclası keçirilib, iclasda Ermənistan millisinin baş məşqçisi təyin olunması məsələsi müzakirə olunub.
1,5 saatlıq müzakirələrdən sonra Ukrayna millisinin sabiq baş məşqçisi Aleksandr Petrakov , təklif olunan namizədlər arasından seçilib” – deyərək mesajda deyilir.
Aleksandr Petrakov 1957-ci il avqustun 6-da Kiyevdə anadan olub.
Petrakov məşqçilik karyerası ərzində Ukraynanın müxtəlif yaş qruplarını çalışdırıb.
Petrakovun rəhbərlik etdiyi Ukraynanın 19 yaşadək futbolçulardan ibarət komandası 2018-ci ildə Avropa çempionatında yarımfinala yüksəlib, 2019-cu ildə isə Petrakovun rəhbərlik etdiyi Ukraynanın U-20 yığması 20 yaşadək futbolçulardan ibarət komandalar arasında dünya çempionatının çempionu olub.