Çempionat göstərdi ki, biz Ermənistanda ciddi yarışlar keçirə bilərik: Avstriya komandasının məşqçisi

Bu gün sadəcə Avstriyada deyil, bütün dünyada Yerevan çempionatı haqqında çox danışılır. Bu barədə Avstriya yığmasının baş məşqçisi Sargis Martirosyan bildirdi.

“Bu, Yerevanda əsl ağır atletika bayramıdır. Hər şey yüksək səviyyədə təşkil olunub. Bu çempionat göstərir ki, biz Ermənistanda ciddi yarışlar keçirə bilərik”, – deyə məşqçi bildirib.

Sargis Martirosyan ağır atletika üzrə Avropa çempionatının yeganə iştirakçısıdır ki, həm idmançı, həm də məşqçi kimi təmsil olunur.

“İkisini bir yerdə birləşdirmək həqiqətən çətindir. Səhər səkkizdə məşqə başlayırıq. Əvvəlcə komanda ilə işləyirəm, sonra məşq edirəm. Hazırda fiziki hazırlığıma az diqqət yetirirəm, vacib olan komandanın iştirakıdır”, – deyə Martirosyan bildirib.

Onun tələbələrindən biri, Avstriyanı təmsil edən erməni ağır atlet Hmayak Misakyan dünən 81 kq çəki dərəcəsində bürünc medal qazanıb.