Noyabrın 1-də İqtisadiyyat naziri Vahan Kerobyan Çinin ən böyük iqtisadi mərkəzi olan Çindao şəhərinin Xalq Konqresi Daimi Komitəsinin sədri Vanq Luminin başçılıq etdiyi nümayəndə heyəti ilə görüşüb.
Görüşdə nazir müavini Narek Teryan və ER Turizm Komitəsinin sədri Sisian Poğosyan da iştirak ediblər.
Görüş zamanı tərəflər ikitərəfli əməkdaşlığın genişləndirilməsi imkanlarını, xüsusilə tikinti, almaz istehsalı, texnoloji transferlər, İT və digər istiqamətləri müzakirə ediblər.
Ermənistanda yaradılmış əlverişli biznes mühitini və həyata keçirilən iri investisiya layihələrini, o cümlədən Ermənistanda sənaye parklarının yaradılması və “quru liman”ın tikintisi layihələrini təqdim edən Vahan Kerobyan Çin şirkətlərinə bu işdə iştirak imkanlarını nəzərdən keçirməyi təklif edib.
Həmsöhbətlər turizm sahəsində əlaqələrin dərinləşməsinə, eləcə də Ermənistan və Çin arasında birbaşa uçuşların həyata keçirilməsinə də toxunublar.
