Azərbaycanda qohum nikahları qadağan olunacaq
Azərbaycan Milli Məclisi Ailə Məcəlləsinə yaxın qohumlar arasında nikahı qadağan edən dəyişiklikləri nəzərdə tutan qanunu üçüncü və yekun oxunuşda qəbul edib.
Milli Məclisdə xəbər verildiyi kimi, məcəllənin nikaha mane olan halları müəyyən edən maddəsinə ümumi bioloji baba və (və ya nənə) olan qardaş və (və ya) bacılar, eləcə də bioloji əlaqəli olan əmiuşağı və qardaşı qızı arasında nikahın qadağan edilməsini nəzərdə tutan iki bənd əlavə edilib.
Bundan başqa, Ailə Məcəlləsindən nikaha daxil olmaq istəyən yetkinlik yaşına çatmayanların üzrlü səbəblər olduqda, razılıq yaşının bir ildən çox olmayaraq azaldılmasına icazə verən bənd çıxarılıb. Parlamentdə də qeyd olunduğu kimi, bir çox hallarda bu hüquq normasının mövcudluğu azyaşlıların hüquq və azadlıqlarının məhdudlaşdırılmasına gətirib çıxarır, çünki üzrlü səbəblərin hansı meyarlarla müəyyən olunduğu aydın deyil.
Qanuna görə, Azərbaycanda nikah yaşı 18 yaş müəyyən edilib.
Yeni qanun 2025-ci il iyulun 1-dən qüvvəyə minəcək.
Dəyişiklikləri şərh edən Milli Məclisin Ailə, qadın və uşaq məsələləri komitəsinin sədri Hicran Hüseynova Azərbaycanın haqqin.az informasiya portalına müsahibəsində vurğulayıb ki, qohum nikahları uşaqlarda ciddi fiziki və psixi patologiyaların yaranmasına səbəb olur. “Bu problem bilavasitə milli genofondun qorunmasına və gələcək nəslin sağlamlığına aiddir. Qanun 2025-ci ildə qüvvəyə minəcək, əhali ilə genişmiqyaslı maarifləndirmə işləri aparılacaq, bu qanunun fəaliyyət mexanizmləri müəyyənləşəcək”, – deyə deputat vurğulayıb.
