“Radar Armenia”-ya müsahibəsində beynəlxalq münasibətlər üzrə ekspert Şahan Qantaharyan Ermənistan-Azərbaycan münasibətlərinə toxunub.
-Türkiyə prezidenti Tayyib Ərdoğan Ermənistan-Azərbaycan danışıqlarına toxunaraq Ermənistanla Azərbaycan arasında sülh müqaviləsinin imzalanacağına və sülhün bərqərar olacağına ümid etdiyini bildirib. Blinkenin iştirakı ilə Vaşinqtonda Mirzoyan-Bayramov görüşünü də nəzərə alsaq, tərəflər sülh sazişi imzalamağa yaxındırmı? Sizcə, Azərbaycan niyə prosesi süni şəkildə gecikdirir?
-İlk dəfə deyil ki, Bakıdan və ya ABŞ-dan belə nikbin proqnozlar olur. Təbii ki, Bakının sülh prosesini torpeda etməkdə davam etməsi yeni bir şey deyil. Bakı nümayəndələri mütəmadi olaraq ilkin şərtləri təzələyirlər. Hesab edirəm ki, Bakı öz prioritetləri üzərində işləyir. O “dəhliz” almaq istəyir, bunun üçün tələblərini daha artırır. Daha sonra anklavlar məsələsi gələcək və s.
-Moskva Yerevanın təsdiqi ilə Aİ missiyasının daimi nümayəndəliyə çevrilə biləcəyindən narahatdır. Bunu “RİA Novosti”yə açıqlamasında Rusiya xarici işlər nazirinin müavini Mixail Qaluzin bildirib. Moskvadan gələn bəyanatları necə şərh edirsiniz?
-Təbii ki, Moskva Aİ-nin regional fəaliyyətindən narahatdır. Daimi nümayəndəlik qeyri-müəyyən Avropa mövcudluğu deməkdir, bu isə Moskva maraqlarına zidd ola bilər. Daimi nümayəndəlik Aİ-yə inteqrasiya prosesinə yerlərdə birbaşa nəzarət və prosesin Brüssel tərəfindən müəyyən şəkildə idarə olunması deməkdir.
