Tasnim xəbər verir ki, İran, Ermənistan və Hindistan rəsmiləri nəqliyyat sahəsində üçtərəfli əməkdaşlığa dair görüşün keçirilməsi barədə razılığa gəliblər.
Bu barədə İranınYerevanda olan səfiri Mehdi Sobhani bildirib.
İran səfirinin Kapanda jurnalistlərə verdiyi məlumata görə, İran, Ermənistan və Hindistan arasında ictimai nəqliyyat məsələləri ilə bağlı görüşün keçirilməsi üçün tənzimləmələr aparılıb.
İran səfiri qeyd edib ki, görüşün tarixini müəyyən etmək üçün əlavə tədbirlərə ehtiyac var.
Onun sözlərinə görə, nəqliyyat sahəsində əməkdaşlıq üç ölkəyə fayda gətirəcək və o, üçtərəfli əməkdaşlığın “müsbət perspektivlərini” vurğulayıb.
